السلام عليكم....
اتمنى ان تكونون من محبي الابوذيه.....
علي دنياي دارت من دراها
والي ماضن تفرش مندراها
وعله بوسط كلبي من دراها
اضن يدرون بس غلسو عليه
خنتي وكلتي مو انا بلا انتي
وموطركاعه بيه انتي بلنتي
الوكت صفر الج ضدي بلنتي
شجاج انتي وزرفتي الكول بيه
الجسد موكلب كامل بيه نصبه
والك تمثال وسط العين نصبه
احبك لو صرت بهواك نصبه
واموت عليك من تضحك عليه
تريد احزان فك الكلب بي كم
ولاواحد نشدني الجيب بي كم
مو شايل كلب ليكول بيكم
اذا كل ساعه عشره يحب سويه
بفراكك جمر ابجي ونيران
يلوجهك يشع رحمه ونيران
تمنيت العراق انتي وانا ايران
وحدودك دوم فاتحهن عليه
قص شماتريد انقص وناقص
ومد احبال عشرتنه وناقص
ولاصاحب نذل مثلك وناقص
اذا اسلم عليك اشطف ايديه
ياسباح كلبي من حشاكم
وعليه من العواذل منحشاكم
اسب وارجع واكولن من حشاكم
اعزاز ومن اسب يرجع عليه
تحياتي
عمار الجبوري
الإثنين يوليو 09, 2007 1:45 pm
