لا صكر لا غزلان شايل هلعيون
من شفتك اختليت صرت انه مجنون
*****
خضرة ووسيعة الله خزرتني العيون
فدوة الها هاي الروح فدوة الها ممنون
*****
كل يوم اكول اليوم باجر يمرون
وانطي للمبشرين بوسة من العيون
*****
سبحانه من سواك من شفت العيون
علمرك درت الجاي عبالي معجون
*****
لو ما اكولن اه تستر علية
جا شفت تطلع نار حتة من ادية
*****
ضي الكمر محجوب بس وجهك ينور
ومثلك ابد ما صار لا جن ...ولا حور
*****
انه من اشوف اهواي تتخربط اعضاي
وارجف واكول شلون دبرني يهواي
*****
انه من اشوف اهواي ينطر دليلي
واتموت ادية عليه وينهدم حيلي
*****
هاك اخذ كلبي وياك يلماشي لهواي
كله انزرف بجفاك وبوصلك دواي
*****
اهلا وسهلا بيك بالكلب كلنه
ننصب عداوة وياك كدام اهلنه
*****
كون القلب بي باب وافتح واراويك
جا .. كلت عفية شلون دم ولحم بيك
*****
كلما اريد انساك بسمك يصيحون
يتحرك الدلال واتهل العيون
*****
الكلب لمته ونام شينيم العيون
يبجن وهمه اهنا لو شالوا شلون
*****
ارد انشد الماشين احبابي واعداي
ليش انه دون الناس ماشايف اهواي
*****
عونه اليلاكي هواه والدرب خالي
يشبك العشرة اعليه والعتب تالي
*****
كل فركه من تصير انساها وتهون
بس فركتك تيزاب ويطش بلعيون
*****
نشفت دمع العين ما رايد ابجي
ادموعي عدها لسان من تبجي تحجي
*****
بخدودك كلوبات يضون على البيت
حسبالي صار وذان كمت وتوضيت
*****
ارد اشكد الدكتور واهل الهوى .. هم
ليش اليجرحه الشوك ما يطلع الدم
الجمعة سبتمبر 14, 2007 11:06 am
