معاناه حاجز

من سنين صار عنا محسوم ما عشنا نهار ولا شفنا عيشه هنيه

الجندي على الحاجز متل البوم ما بنعق غير بدوا هويه

تعال يا شب ويا ختيار تعي يا حجه وانت يا صبيه

على التراب اقعد لا تقوم بعد ساعات ابتيجي دوريه

هات الكيس وادفع المعلوم اذا بتدفع بعطيك الهويه

اذا ما بترد رح تظل محروم ما بتشوف معنا لحظه هنيه

طالب المدرسه من العلم محروم صار ابيع على المحسوم بالعربيه

والمستوطن بارضي دوم يروح وييجي متل تمساح بالميه

دعيت ربي الواحد القيوم ياخد كل جندي وجنديه

يا رب طير السلام علينا يحوم ونعيش بسلام وحريه